مــنتديــات ودالبـــلد
زئـرنا الكـريم مــــرحبا بــــك على صفحـــــات منــــــــــتديات ود البــــلد السودانيـــة أحـــر تحية وأجمل ترحيـــب إدارة المـوقـــــع
ابوخالد

مــنتديــات ودالبـــلد

أهـــلا وسهـــلا بـــك يا زائر بمـــنتديات ود البـــلد


 
الرئيسيةالبوابة*مكتبة الصوربحـثالتسجيلدخول

شاطر | 
 

 في ظلال اجمل الاشعار نتكيء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1267
العضوية : 1
علم الدولة :
تاريخ التسجيل : 22/10/2008


مُساهمةموضوع: في ظلال اجمل الاشعار نتكيء   الأربعاء مايو 20, 2009 12:40 pm


لسان الحال

الشاعر : حاتم حسن الدابي

معذرة.. لو معاك منى الكلام حــره
معليش الخطاب كاتباهـــو مضطرة
حـــرام والله مننـــا إنت تتبرا
خمسة سنين تفوت تجى فيها فد مرة
وراك أنا كم شقيت وعشت فى مرة
وتعبـت مع البطان الهم للعيون غرة
بيخاف الغرق الغاص ورا درة
قالو أدب الصغار والعقـدة من خدرة
حليلى أنا الزمن ضى فاطرى ما انفر
وخمسة سنين غياب مابتحملن حرة
أنا الحاضنة العذاب وآمالى محتضرة
وإنت الفى النعيم ما خات حساب بكرة
مسكينة التقول فى الإغتراب سترة
وتتناسى القروش فى يوم تكون ضرة
حليل زمنك وكت عايشنا بالأُجــرة
يا ريــت لا عرفـــت ولا مرق برة


الكاتما فى جواى كتير متملك الجوف والعصـب
وما كت دايرة أقولو ليـك لكن لسان الحال غلـب


ما بنسى يـوم ودعتـنا وسافـرت فى غـرة رجـب
خلـيت وراك الـدار حـزين يتباكـا والدمع انسكـب


أعذرنى والله العظيـم لو ما الضـرورة أنا ما كـتب
وأنا خايفـة فى بعـدك يكون الضاع
هو ضعف المكتسـب


اليومـة داك ناس البلـد هنونى شايقيـى وعرب
قالو لى مبروك خير وجاك يكتب سلامـتو الإغــترب


قالو لى دوب نجم السعد
طلاكى من بعــد إحتجــب
يا دوبا بالك يستريح
وتنسى العــذابات والتعــب


فضّلت أحسب فى الشهور
قاعدالى فوق نيران لهــب
صابرة وحريصة على العيال
لا بيقو للريح فى المهـب


سديت خانتك مــن مشيت قايمـابو واجبـى كأم وأب
والأسـرة يضنيها المسير
وتتهاوى لو ما فيها رب


والله ما بنـكر جميلك برضـو لينا ثناك وجب
موكب هداياك ما انقطع
كان سترة فى الزمـن الصعب


لابسين وماكلين والنعيم كايلنا
فى يوم ما نضب وعايشين معيشـة المترفين
طولنا والطبع إتخرب


البيت مفرش بالحرير ومليانة إيدى بالدهب
لكن خسارة على محل
عاش سيدو خمسة سنين عزب


الشى المهم ما قلتو ليك
وليهو إنت ما ظنيت
حسب كبرو الصغيرونين خلاص
خايفالم الطبـع الكعب


وصولوها مرحلة الخطر
والأمن ما زال مستتب
وانا كتّ قادراهم زمان
لكـن بعد كبـرو اتغلب


حصلنى قبل الجد يفوت
دوبنهم فوق العتب
قبال نحصـد الخير ندم
ومابيجدى كان لمت وعتب


خايفالم الطيش فى الدروس
ومابرضى لو واحد رسب
خوفنى المتعبنى الكبيــر
بعدين يمرقو بلا أدب


وريتك الحاصل على
لا فيهو ثورة ولا غضب
شان الحديث مايبقى نى
والواحـة يكتنفا الجدب


أنا قلبى مازال لسة حى
ونجمو الملاهج ماغرب
وآخر كلامى ترد على
لا أبقة بكــرة أنا السبب
ما كنت دايــرة اقولو ليك
لكن لسان الحال غلب ..








عدل سابقا من قبل ابوخالد في الجمعة يونيو 12, 2009 1:21 pm عدل 1 مرات
الرجوع الى أعلى الصفحة اذهب الى الأسفل
http://wdalbld.3arabiyate.net
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1267
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: في ظلال اجمل الاشعار نتكيء   الأربعاء مايو 20, 2009 12:42 pm

مبروك الجديد يا ناسى
لبست وشاحات من حزن دنياى دنياك انت عيد
مبروك عليك بيت الحلال انشاءالله بالعيش الرغيد
مبروك عليك بيتا شدت قمريتو غازلت الجريد
مبروك عليك حروف نغم منظومة فى ابيات قصيد
مبروك عليك بيتا تبكرى فيهو قبل البت وليد
وردت عليه العروس:-
صدقنى فى ليلة الزفاف انا باكية بالدمع التقيل
ما ناسية للعهد القبيل
ورينى كيف يسعد قليب زفوهو بالنوح والعويل
اعذرنى يا عشق الخلود ما بى ايدى اخترت البديل
اختارو لى اهلى الكبار منعول ابو المال البحيل
انا كنت دايراك فى اليمين والدارة طربانة وتميل
فى الحنة والزين والضرير قايدنى للشبال تشيل
الا الاهل حرمو ا القلوب من فرحة العشق النبيل
الفى الكتاب جابو النصيب لاقيهو بالصبر الجميل
ما ناسية ايامنا المضت من كاسها نشرب سلسبيل
نجوانا لقيانا الزمان بين الازاهير والنخيل
كيف انسى زولا صان هواى ضالينى بضلو الظليل
ذكراك دايما فى القليب انساك ثامن المستحيل
عاذراهو قبلك لو يلوم قبلانة لهمك اشيل
انت المنى ومعنى الهنا جانى السراب كنت لى نيل
ايامى من بعدك بقت افراحها ابعد من سهيل
يا حليلى من واحة هواك عينى تانى تقول حليل
اسفاى على بيت الحلال لافيهو فرحة ولا عديل
اسفاى على السعد الرحل فارق بروج صوت الهديل
اسفاى على النغم الحزين الباكية دمعاتو تسيل
اسفاى على الولد اليكون من رحمى ليهو سواك كفيل
سائلى الله يديك النعيم من زحمة الافراح تكيل
ينزل عليك غيث السحاب ويخضر اليا دوب شتيل
وانا سيبنى لى المى وشقاى احزانى ما ناوية الرحيل
ما بين لهيب ذكراك نوح اندب حظوظ قلبى العليل
كل تحياتى








الرجوع الى أعلى الصفحة اذهب الى الأسفل
http://wdalbld.3arabiyate.net
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1267
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: في ظلال اجمل الاشعار نتكيء   الأربعاء مايو 20, 2009 12:44 pm


كابوس العصر

بالله ما احلي النفوس المؤمنه المطمئنة ولي سواها مطمنه
الماسكة في شرع الاله وسنن الرسول ود امنه
مكسية بي ظاهر نضيف زي ما نضيفه بوطنها
اخفت عن الايد اليسار الشي التمدو ميامنها
الصادقة في السر والعلن حافظة الشفاه والالسنه
الصحوه حانت ياشباب وكبر علينا مؤذنها
احترسو والايام دروس بالفطنه اخدو محاسنها
والعاقل العارف الاصول ما بتاخدو في الشهوات سنه
ما نحنا في زمنا غريب افاتو جهرا معلنه
اعمل حسابك واعتصم أمارة السوء مدمنه
وكان شفتها انقلبت عليك بالصوم تهينها وتسجنها
خاف الله فيها من الهلاك ومن الشياطين حصنها
ما اصلو شيطان البشر يغزو النفوس اللينه
النظرة ثم الابتسام اول سهامو الطاعنه
ياما كتيرين في الهوى اتغرو بالمال والغنى
واتبعو شهوات النفوس والليله حالهم في غنى
اليدز سراق الشباب غمرتنا صورتو الداكنه
ضيع ملايين الشباب لا حيلها واقفه بيدفنها
ياما زهور عز النضار نشف جذورها وموطنها
وياما من الامثال كتير شفناها عبر الازمنه
ناس عايشة في لج الظلام واليدز حية مكفنه
انا داير اصوغ قصة صريع بالدنيا روحو مجننه
قرقر ضحك زين انبسط وكل لحظة حلوة مدونها
وآخر المطاف وبي اعتراف كانت نهايتو المحزنه
وكانت رسالة الي الشباب الايدز ما بيصل النفوس المؤمنه
"......"
في الغربه ولي شبابو راح وآخر حصاد عمرو الاسي
كان جنب ولادو في ارتياح سافر يهون للقسى
ما راعي لي ام العيال البعدو عنها جرسها
وما جاها من شد الرحال ولا بي خطابات ونسها
لكن هي كانت بت حلال ايمانها غالب الوسوسه
فاكراهو يجمع في الريال واموالو راقده مكدسه
كانت تسافر بالخيال لي دنيا ناعم ملمسها
وتغلب قوانين المحال بالواقع الفوقهم جثى
نست المفاتن والدلال زينة البنات والهندسه
وغابت علامات الجمال من فوق وشيها وملمسها
نزلت عبيره مع العيال من الصباحات للمسا
وحرصت تكون ليهم مثال والام حقيقة هي مدرسه
نست التعب والانشغال الا المسافر ما اتنسي
وفي الصبر زي حوض الرمال فيها المآسي مدسدسه
في يوم مغيب ساعة الزوال جاها الخطاب الحدثها
وخلاها في لحظة وبال بين اليقين والهلوثه
فحواهو من الكاتبو قال تحذيرو زاد الدبرسه
زوجك مألم وألمو طال وباكر يجيكم دون كسا
جاييك بالمرض العضال بالايدز روحو ملوثة
خليك حريصة ولا احتمال ما ترضي منو ملامسه
عاد الغريب خايب الرجال عدوانو كاس مرة احتساه
لا فيه روح لا فيه بال منهار عزيمتو مسوسه
سنتين مكرتن في انعزال مكسور وهامتو منكسه
في الوحده مقطوع الوصال حتي الصغيرين والنسا
ياتر يقولو علي تعال عشمان يصافحو يقول عسى
ليهم يأشر بالشمال ياداب خطاهو اتحسسها
كل البلد واهل الشمال وريح الاهل يتنفسها
ليهم يعاين ودمعو سال ياداب خطاهو اتحسسها
الايدز مرآة الخصال فراق حبيبين القسى
الله يجازيك ياضلال كل زول خياطتو بيلبسها









الرجوع الى أعلى الصفحة اذهب الى الأسفل
http://wdalbld.3arabiyate.net
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1267
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: في ظلال اجمل الاشعار نتكيء   الأربعاء مايو 20, 2009 12:46 pm

مأساة عثمان
كلمات/ابو عبيده سفلة


قصة اميمة واحمد هينه حتي كمان مأساة حسان
لو لموهن ما حيساون نص مأساتك يا عثمان
قصتو كان قصة ريد حلوة بينو بين محبوبتو احسان
عاشو الحب صانوها الريده لما انزفو عديل عرسان
بينهم كان في موده ورحمة ينقصو بس ما ولدو بطان
زاد الريد الكان بيناتهم تم الدين كم زادو متان
مرت سته سنين ما ولدو مافيهم زولا غلطان
وكان بالقسمه رضاهم باين راجي الرب ماعاد خسران
لكن امو تنقنق ديمه كل صباح تقرالو بيان
ماعافيالك لبني الضقتو قلبي قدر ما اداك حنان
عرس فوقها وريني وليدك كان غلبك طليقها كمان
وكان الرد من عينو يجيها فوق الخد ريقان ريقان
مابين امو وحبو يناضل ليلو ونهارو اصبح عيان
لا في ايدو القسمة يجيبها ولا كمان يجرح احسان
كان ماساتو امو العيانه قلبو عليها وفي وشفقان
الدكتور وصاهو عليها تفرح تحزن موتها ضمان
كل الحاصل انو حياتو صبحت في كفة ميزان
سدت فوق عينيهو تخايا قلبو اتقطع بالاحزان
اصبح يضحك ودمعتو جارية لا المجنون لاهو الفرحان
لاهو الميت ترسي تدفنو لاهو الحي عايش في امان
ودايري اديك سرا جوايا وعدك لي يبقي الكتمان
يوم عثمان راقد مستشفي الدكتور وريتو كمان
انو يشوف عدم الجنى مني ولا حكاية في عثمان
وجا الدكتور قال لي ما منك من عثمان راجل عقمان
قصدي احافظ للبيناتنا وامو احل اشكالها كمان
في يوم ضاع في اللجة ضميري قمت تبع يوم الشيطان
بدون ما ادري لقيت في بطني طفلا شب بلا استئذان
تسعه شهور مرت بي سرعه يوم ولدوهن كان تيمان
من الفرحه الفرحتها امو كان دقينا اتنين صيوان
امو الماتت وكان بتزغرد حسرة عليها هلك عثمان








الرجوع الى أعلى الصفحة اذهب الى الأسفل
http://wdalbld.3arabiyate.net
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1267
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: في ظلال اجمل الاشعار نتكيء   الأربعاء مايو 20, 2009 12:51 pm


الزمن الفجيعة


كلمات الشاعر/محمد خير درو


غناء الرائع / محمد النصري



في زمـن الفجيعـة المـر والحـزن اللـي مـا محـدود
بنبكيـك يـا عمرنـا الـراح ويـا حلـم الصبـا المـؤود
بندهلـك متـل مجنـون يعجبـو صـدا النـدا المـردود
وكـم نـاداك غنايـا تعالـى أطلقـي مـن حياتـي قيـود
وسأل كل الشوارع الصانى صوت غنواتـى مافـى ردود
وشكرا ًيا الوهبتـى حياتـي لـي سجـن الليالـي السـود
وعفـواً يـا حبيبـة ولفنـا زمنـا لا صـدق لا عـهـود
***
شـديتلـك وتـر محـزون وغنيتلـك غنـا المغـلـوب
غنا الـزول الوهبلـك روحـو فصلتيهـا طرحـة وتـوب
ولسة مجـازاه بالهجـران وغالبـو مـن المحبـة يتـوب
إلا غنانـا ميتـة قضيتـو فـي زمـن الغنـا المجـلـوب
وميتين نحنـا والأحـلام زمنـا طـال نـزوح وحـروب
***
محـل مـا تمشـى قدامـك مدايـن مـن خـراب ووهـم
مناعتـا بالحـزن مشلولـة نايمـى علـى وسـادة هــم
حتسلـب منـك العفـة وتنادمـك بـي كـؤوس الـسـم
وأنـا الواقـف علـى بابـك كلـى جـراح وبـنـزف دم
مشتـت ذي رمــاد أحـلامـي لآب يتلـمـة لا بنتـلـم
***
والأهداك جواز للهجـرة وهـدب شوقـي قبـل خطـاي
ما عارفك موطنة في صدف روحي ومسكنه في خلايا دماي
ولا عارفـك دخلتـي قبيـل مـع شهقـة نفـس جــواي
ومنو القاليك حتطلعى منـى إذا هجـرت خطـاك دنيـاي
حتطلعى كيف أنا الحاسك توزعـي دمـى لـي أعضـاى
***
مهمـا تكونـي مـا انسانـة يبقـى خيـالـك الإنـسـان
مذكـر صبايـا الـراح وعمـرى الواهبـو ليـك قربـان
يآنسنـى الليالـى السـود ويمسـح مـدعـة الاحــزان
يقاسمنـى الـولـه والـشـوق ونتـفـارق مــع الاذان
وكان بدلك بجازينـى وجـزا الاحسـان بقولـو احسـان
***
واحنس روحى أنوم لحظات اسرقة مـن همومـى ثوانـى
القاك شايلـة قلبـى بـين اديـك تقطعـى حتـى شريانـى
واضحك وابكى زى مجنون حتـى الطيـف يطـل جانـى
انتـى خربتـى قلبـى علـى مرجبـة بـى قـوة ايمانـى
ولـو يشفيهـو رب الكـون احبـك بيـه مــن تـانـى
***
وانسى انك نسيتي انسـان تصيبـو الغيـرة متـل النـاس
مخلوق من تراب زيـك بحبـك مـوت رهيـف حسـاس
دمع احزانى حتـى رموشـى حتـىولا سبيـب الـراس
واا آهـة قليبـى علـيـك سـاعـة يسألـونـى الـنـاس
وخايف من كتـر أحزانـى اورثـا لـى جنـاى ميـراث
****
واقف فوق رماد احلامـى فـى حـالا رهيـب وعصيـب
أبالـغ فـى غنايـا عليـك كـان بـيـودى ولا يجـيـب
غنايـا تبكـى فيـه الـروح لامـن تسمعيـلـو نحـيـب
غنا الـزول القنـع منـك راجـى شمـس حياتـو تغيـب
سمع صوتك يقولو خلاص مـا ليـك فـى تانـى نصيـب
***
شكراً ليك خـلاص روحـى ولا بتتوصـى قلبـى معـاك
ذى ماسقاكـى دمـو قبيـل عطشـان اسقـى لـو همـاك
سكتى من بكا المسموع عشـان مـا يفضحـك فـى لقـاك
فسحى فى مدايـن الشـوق احفظـى ذكـره فـى جـواك
تبقـى الذكـرى ذى تاريـخ مهمـا تكـون حياتـى وراك

الرجوع الى أعلى الصفحة اذهب الى الأسفل
http://wdalbld.3arabiyate.net
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1267
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: في ظلال اجمل الاشعار نتكيء   الأحد مايو 24, 2009 2:33 pm

الى رحم امي
كلمات حاتم حسن الدابي

(خطاب الطفل لاخية الجنين)..



صيغة خطاب مكتوبه من قلب الولد
من جوف طفل لحظاتو بين مره وشهد
لسع ما عرف طعم الحياة ويادوبو لسع في المهد
كلنو كان يعرف تمام غير انو مخلوق في كبد
كانت رسالتو دروس حياة في الزهن تسكن للابد
فيها المداد دمعة عيون منسابه الهبة الغدد
كلماتو من معجم لغات الدنيا كلها تستمد
مظروفا جوف كاتم انين فياض دوام ما ليهو حد
والطابعه كانت قبله من بين الشفاه مختومه بي صبر و جلد
عنوانا كان ظاهر مبير من غير حروف اللا اسد
الي رحم امي وختي قوس قبال يقفل القوس قصد
يكتب كلام شان يلفت الانظار قصد
مضمونو بين قوسين يقول( ممنوعه ما يقراها حد)
وكان الخطاب عبر البريد السري حافظ المستند
في ذبذبات هذت دواخل امو لهبا ما برد
لمن صرخ ومسك الثدي واتواري في حجرا وغمد
لما الخطاب وصل الرحم بقي نطفه يادوبك تعد
تكوينا ما وصل المشيج في علقه منتظره المدد
لكن قدر يحكي الظروف الجات عليه بلا وعد
حكي لاخوه وقال كلام لابد من يلقالو رد
وكان الحدث صحوة ضمير علاما حلال العقد
دي رساله من طفلا صغير حكي لاخوه وقال سرد
********
دنيانا ما دنيا واحلامنا ما احلام
دي حقيقه ما رؤيا وقالو السبب اقسام
لو ليك كتب تحيا ضي عالم العلام
طال شوقي لي لقيا وخايف من الايام

بالله زنبنا ايه من قبل نتلاقي
نرد الغفار والتيه في الدنيا نتشاقا
ليه شجرة الوالدين يتحتو اوراقا
ما نلقي جيم لسين غير المعيشه اقسام

انا شوقي لجيتك دايرك معاي رفيق
بي جيها خايفلك عيشت نشاف الريق
انا نيتي زي نيتك لمت شقيق وشقيق
سالكين طريق مسدود ما بمشي لي قدام

انا داير احكي لك احوالي بالتفصل
انا كالضفاف مخضر كانت حياتي قبيل
لكن بدين اصفر لمن هجرني النيل
اسع بقيت مجبر اتحمل الاقدار

العيشه بين والدين من مده متفرقين
زي المياه والطين وفقد النظر للعين
بيقلوا مشتاقين شاربين كؤس البين
كاس الوداد في الحين اصبح شرابو حرام

ما راعوا للجاين وما قدروا المولود
واظنهم ناسين الجاي والموجود
حتي الشرع والدين اتناسو ليه حدود
لما الصحف رفعت وجفت الاقلام

والليله ندمانين ايه الندم بيفيد
خلوني باكي وحزين عايش فرد وحيد
زي زهرة الياسمين من ايد اروح لي ايد
قطعوا الشديد ومتـــين لا غربه لا ارحام

انا داير اوصيك اصبر علي البلوه
ولا بد تلاقيك المره و الحلوه
كل العشم فيك انك تكون اقوي
من كل بلاويكا دنيكا تبقي سلام
ودنيانا ما دنيا واحلامنا ما احلام..








الرجوع الى أعلى الصفحة اذهب الى الأسفل
http://wdalbld.3arabiyate.net
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1267
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: في ظلال اجمل الاشعار نتكيء   الأحد مايو 24, 2009 2:36 pm

يا ساري الليل

من يوم البحر الجانا وتسب وقام
يوم دخل الحلة وهدم بيوتنا ترا وهدام
صبحنا ضيوف ما خلاّ وراهو صلة أرحام
يوم داكا عوض خلاها مرق سفره طويل مع الأيام
ثم يسترسل في أوصاف عوض
درويشاً صغير عشرة أعوام
الزول زول الله من الصلاح الرفعت عنهم الأقلام
من غرث الرسل الدارو الآخرة أم خيرن دام
التركو نعيم الدنيا الزايل للعبدوها وللحكام
ثم يبدا في وصف ملابس عوض وما كان زاده يوم خروجه
متجلبب بي تيبان الرحمة غتا وهندام
متنعلت بي أرض الله الواسعة خطى الأقدام
متزود شايل خير الزاد تقى وإلهام
يا ساري الليل ما شفت جناح جبريل
غتاهو بقالو مظلة جلوس وقيام
يا ساري الليل أين ذهب عوض هل غرق في جوف الليل
أم رحل في رحلة تصوف
يبقالي نجع متوجه قاصد أرض الشام
ما شفتو هناك مع الحجاج لابس الإحرام
بين يثرب ومكة وفي بيت الله المكسي رخام
يبقالي هناك يكون مندسي مع الخدام
يا ساري أبل جهدك نحنا فتشنا في كل محل ما خلينا بكان
فتشنا سما أرض ما شفنا منام
في التمر الشايل تكا سبيطو مدلول خام
في الجرف الأخضر في لوبيهو وفي النجام
في جدول جاري تسرسر مويتو نعيماً دام
ومع ذلك لم نجده وقد طال الغياب
ولن نيأس فالحلة في الانتظار فاينما وجدته بلغه السلام
يا ساري الليل أنا داير أوصيك وأديك كلام
الروح إين صعدت لي باريها وفي جنات الخلد مقام
لو لاقيتو في إي مكان في إي زحام
روح كلمو قولو الحلة بكت من شوقا إليك تغريك سلام..








الرجوع الى أعلى الصفحة اذهب الى الأسفل
http://wdalbld.3arabiyate.net
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1267
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: في ظلال اجمل الاشعار نتكيء   الأحد مايو 24, 2009 2:38 pm

سافر عليك الله
للاستاذ / حاتم حسن الدابي

شيل الاماني معاك
وشوف البي يبكي عليك
او حتى يترجاك
***
انا ما تعبتا خلاس من جور انت علي
تزعل بدون أسباب ومن تاني ترجع لي
خليك معاي واضح لايبق قولك ني
يا انت ابق معاي يا انت مالك بي
***
رغم الحصل والكان يا ما صبرت عليك
كان العشم جواي تصدق معاي عينيك
لكن غرورك فاض كتل البراءة الفيك
خلاك تظن مجبور انا بكرة برجع ليك
***
اوع تظن في يوم انا قلبي بيرضا الزل
أو يستكين هيمان ويرجاك عند الظل
انت الفتحت الباب وقت للخصام أدخل
انت الزرعت الشوك وقلعت شجر الفل
***
انا في النهاية انسان مرهف رقيق حساس
داير اعيش في امان واصافي كل الناس
لكن اذا جا الريد فوق الكرامة وداس
مجبور اقول القول القالو ابوي فراس
***
في شعرو قالو كلام مدهش جميل يسبي
لاتملك الحسناء مهما تكون قلبي
انا برضي زيو كمان اعلنت لي حربي
وعارف قليبي بيقول يا اخوانا ايه ذنبي
***



والله يا المريوت خليتني فيك محتار
مرات بشوفك نور ومرات بحسك نار
مرسالي وقتن جاك قابلتو با ستهتار
وما تنسى أي حريق دايما بدايتو شرار
***
ياقلبي اصبر اصلو الظروف قاصداك
معليش اذا جا الليل وخيم علي دنياك
عذرا اذا الاحلام اكبر من الادراك
وعفوا اذا حبيت زول ما عرف معناك
***
عليك الله ســـــــــــافر .. عليك الله








الرجوع الى أعلى الصفحة اذهب الى الأسفل
http://wdalbld.3arabiyate.net
gadora_968

مشرف القسم الرياضي


مشرف القسم الرياضي
avatar


ذكر
الجنسية : سوداني أصيل
المهنة : مهندس معماري
المزاج : خطييييييير
عدد الرسائل : 194
العضوية : 44
علم الدولة :
تاريخ التسجيل : 09/01/2009


مُساهمةموضوع: رد: في ظلال اجمل الاشعار نتكيء   السبت يونيو 06, 2009 2:35 pm

والله ابو خالد ما قصرت
أتمني أن تثبت الموضوع الرائع ده

دمت بود....








هناك أشخاص يفعلون بك هكذا
و
لكن تابع مسيرتك ولا تهتم بهم



The Road to Success is always under Construction
الرجوع الى أعلى الصفحة اذهب الى الأسفل
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1267
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: في ظلال اجمل الاشعار نتكيء   الجمعة يونيو 12, 2009 1:20 pm

قدوره يديك العافيه على المرور ياغالي


تسلم من كل شر يارب

تحيتي








الرجوع الى أعلى الصفحة اذهب الى الأسفل
http://wdalbld.3arabiyate.net
شــ الشوق ــروق

مشرف القسـم الادبي


مشرف القسـم الادبي
avatar


انثى
الجنسية : سودانية
المهنة : طالبة جامعة
المزاج : مشرق في اشتياقه
عدد الرسائل : 44
العضوية : 51
تاريخ التسجيل : 06/02/2009


مُساهمةموضوع: رد: في ظلال اجمل الاشعار نتكيء   الجمعة أغسطس 14, 2009 1:27 pm

سيدي ابوخالد....إن هذا البوست رائع رائع و رائع.......كل ما استطيع ان اقول


سلمت يمناك و يديك العافية على هكذا مشاركة للإبداع ......تقبل مروري

و دمت بكل مودة و معزة
الرجوع الى أعلى الصفحة اذهب الى الأسفل
مصطفى ابراهيم
صــاحـــب الموقــــــع
صــاحـــب  الموقــــــع
avatar


ذكر
الجنسية : sudan
المهنة : admin
المزاج : good
عدد الرسائل : 601
العضوية : 5
علم الدولة :
تاريخ التسجيل : 26/10/2008


مُساهمةموضوع: رد: في ظلال اجمل الاشعار نتكيء   السبت سبتمبر 12, 2009 12:02 am

صاحبة الحرف الشجيء المبدعه شروق الشوق

لكي التحية على مرورك العطر
ماعدمناكي ولاحرمن من هذه الطلة البهية تحيتي وتقديري
الرجوع الى أعلى الصفحة اذهب الى الأسفل
 
في ظلال اجمل الاشعار نتكيء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنتديــات ودالبـــلد  :: أدبيــــــــــــــــات :: المنبر الادبي-
انتقل الى: