مــنتديــات ودالبـــلد
زئـرنا الكـريم مــــرحبا بــــك على صفحـــــات منــــــــــتديات ود البــــلد السودانيـــة أحـــر تحية وأجمل ترحيـــب إدارة المـوقـــــع
ابوخالد

مــنتديــات ودالبـــلد

أهـــلا وسهـــلا بـــك يا زائر بمـــنتديات ود البـــلد


 
الرئيسيةالبوابة*مكتبة الصوربحـثالتسجيلدخول

شاطر | 
 

 استغلال النفوذ للنيل من الفتيات ؟ ارجو الكل الطرق علي القضية الخطيرة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
وداد وبس

منور المنتدى


منور المنتدى



انثى
الجنسية : سودانية
المهنة : خريجة
المزاج : متقلب
عدد الرسائل : 1
العضوية : 85
علم الدولة :
تاريخ التسجيل : 07/08/2009


مُساهمةموضوع: استغلال النفوذ للنيل من الفتيات ؟ ارجو الكل الطرق علي القضية الخطيرة   الجمعة أغسطس 07, 2009 1:26 am

[size=18]سالت صديقاتي لماذا اصبح تفكير الرجل للفتاة من منظور واحد جسدي بحت ؟لماذا حينما يجد شاب ذو نفوذ او موقع هام يقوم باستغلاله للوصول لمكسورة الجناح ؟
القصة في اواخر شهر ابريل اعتقدت ان الدنيا ابتسمت لي حينما الصدفة جمعتني بالشهم والذي تظهر عليه علامات الوقار واللبس والجاه ومفاتيح العربة وعدد الموبايلات في يده ؟ اتصال به امامي جعلني اعجب به حيث مكالمة من مستوي رفيع ؟اجتماع الساعة كدا والرد نحن جاهزين وياعمنا ماعندك مشكله ؟ اتصال اخر اهلا شباب الكتيبة الاستراتيجية رسلت ليكم فلان وعلان و.....وبعده تلفون اخر نعم فلان اي بس عندي ارتباط مهم ؟ وانا منتظرة وبعدها بدا معي اهلا انت من وين اي فعلا انا بعرف فلان قريبك وهكذا طيب انتي عارفة انو الوظائف مجمدة بتعليمات من وزير المالية لكن بحكم اني مدير لشئون الادارية والمالية ومسئول كدا وكدا وكدا ؟ ساعمل معالجة مؤقته وهي تعينك متعاونة وبعدها تقرير صغير انك كفاءة واقتدار للامين العام سيتم تعينك للحوجة وخاصة انه لايوجد اي موظف الان في الوظيفة الجامعية (9) تعالي غدا تباشري عملك ......
ذهبت بعد شكره والله يعطيك العافية ودعوات من افضل ماتعلمته في خير الناس ...بدات احسب ساعات اليوم الثاني ؟ حدثت امي واخي واختي وابي لانو صعب شوية قلتا اخليهو لامي ....وجهزت احسن لبس املكه ....
ذهبت ووقعت علي حسب التعليمات واني كذلك ساعالج موضوع البصمة في هذه الادارة بما لدي من خبرة في الكمبيوتر والشبكات واخذني مدير الشئون لمالية الي المدير العام ووجدته هزلي بعض الشئ سالت نفسي كيف الزول دا اصبح في مركز كبير وهو جديته ضعيفة وعند خروجي وجدت شابة من حلتنا قالت لي مديرنا هذا مجنتر شوية لانو بتكلم مع نفسو وفعلا وجدت هذا صحيحا ؟ مرت اليوم الاول والثاني وفي اليوم الثالث طلب من مدير الشئون ان امكث بعد نهاية اليوم لوجود طباعة لتصاديق وان الموظفات معة والكاتبات لايسعدونه ونظير ذلك سيكون حافز ومعين لي لكي يتم تعيني فعلا اتصلت با امي وقالت لي خير بس خلي بالك من نفسك ومعاك منو؟ قلت لها معي شابة اخري تقوم باداء الخدمة الوطنية في هذه الادارة ورفضت اتصل باخي لانه حزرني ان اخرج مع الموظفات وما اجلس مع اي مدير او موظف لوحدة بمكتب حتي تحافظي علي سمعتك ... فعلا جلست وبدانا عمل وهو جاء واستاذن لي اجتماع هام وسوف اعود لكم ؟ جأني شاب موجود في الاستقبال انتي منو ولشنو قاعدة نهاية اليوم والوام اصلا انتهي ؟ انا بيني وبينك داير اقول ليك اعملي حسابك انو الادارة هذه بها ىمشاكل وسرقات ونهاس معظمهم تافهين ؟ حقيقة انا خفت وذهبت لصديقتي بت الخدمة الوطنية صح القالو الزول دا قالت لي انتي مشو عارفة الصح شنو والغلط شنو وتاني مافي زول بجبرك علي حاجة مافي مزاجك تانيا انتي مشي امورك عشان تعيشي ؟ راسي بدات تدور انو الزولة دي معناها من البنات البيقولوا عليهم ؟ رجعت المكتب جأتني قالت انو ياسر دايرك في مكتبه التناني سألتها مكتب شنو تاني قالت لي مكتب الدفاع الشعبي ..فعلا ذهبت له دقيت الباب ففتح لي دخلت وقام بقفل الباب وقال لي اجلسي .قلت له معليش بس ممكن تفتح الباب قال لي هذا المكتب ممنوع فتحة لانه به اسرار دوله ولا يدخل هذا المكتب الا انا فقط والناس البكون عندي معهم شغل ز خلاص معليش تعال نقعد بالخارج عليك الله؟ قال لي انتي مالك زوله جبانه خايفة من ماذا ومسكني بيده وجزبني اليه وبدا يقبل في وجهي ففتحت الباب وبسرعة ذهبت الي صديقتي ولكن جاء مهرولا خلفي صحبتك مالا جبانه قالت له انت خليك شويو شوية ماطوالي تدخل في الغريق اما هذه اللحظات هي اخطر لحظة مرت بي في حياتي ...زمن تأخر خرجت صديقتي جلست بعض الوقت معه وجاءتني وقالت لي نخرج فعلا ذهبنا سويا الي السوق العربي وفي الطريق بدات تقنعني ان اقدم بعض التازلات له ومافي داعي انو تقولي الكلام الي اي مخلوق ؟ فعلا مكثت اكثر من سهر معهم كنت اتحاشي ان ينفرد بي وبعدها تركت العمل معهم ؟ هل تصدق هذه وزارة العمل السوداني ؟ هل تصدقوا يابنات انودي عقلية الرجال معنا ان اصبحت اكره الشباب ؟ انا حيرانه ؟ ماذا افعل ؟ كلكم ادعو معي بالثبات لانو اصبحت احيانا انو اميل الي الطريق الاخر ؟؟؟؟؟؟؟؟؟؟[/size]
الرجوع الى أعلى الصفحة اذهب الى الأسفل
أنة المجروح

شخصية مهمة


شخصية مهمة



ذكر
الجنسية : سودانى
المهنة : عامل
المزاج : كثير التأمل
عدد الرسائل : 126
العضوية : 58
تاريخ التسجيل : 18/04/2009


مُساهمةموضوع: رد: استغلال النفوذ للنيل من الفتيات ؟ ارجو الكل الطرق علي القضية الخطيرة   الأحد أغسطس 09, 2009 3:53 am

اولا الأخت وداد يس
السلام عليكى وعلى الجميع ومرحب بيكى فى منتدانا
حقيقة لى مدة لاأعقب على مواضيع المنتدى ولكن موضوعك هذا هزنى وجرح كبرياء الرجولة فى قلبى ولا اود ان ابرر للرجال تصرفاتهم ولكن ارمى فى طريق الرجال كلهم اليست هذه الأنثى امك واختك ومن يرضى لأخته المهانة والذل ليس به من الرجولة ذرة يعتمد عليها ولكن أقول شيئا أختى وداد نحن نعيش فى زمن اشبه بأزمنة نهايات الحضارات حيث كل حضارة بشريه تنتهى بعد أن يستشرى الفساد فى جسده وينخره سوس الرزالة من ضعاف النفوس وعبيد السلطة والشهوات فلا تتأسفى على هكذا رجال ولاتحسبى الرجال والشباب على منوال واحد فمنهم من بقى فى قلبه ونفسه من الرجولة والأصالة مايحفظ لنا ملامحنا التى كادت ان تضيع فى هذا الزمن الصعب ... رغما ان سؤالك الأخير كان موجها للبنات ولكن جرحك آلمنى فأحببت أن أواسيك .....
غفر الله للجميع زلاتهم ودمت عضوة رائعة فى منتدانا ونورتى بالرغم من الغمامه دى
سلمت أختى من كل شر وحفظك وحفظ كل محارمنا وأخواتنا رب العالمين
وشكرا ......
الرجوع الى أعلى الصفحة اذهب الى الأسفل
سوآح
قلم أساسي
قلم أساسي



ذكر
الجنسية : سوداني
المهنة : سائق
المزاج : عادي
عدد الرسائل : 107
العضوية : 89
تاريخ التسجيل : 19/08/2009


مُساهمةموضوع: رد: استغلال النفوذ للنيل من الفتيات ؟ ارجو الكل الطرق علي القضية الخطيرة   الجمعة أغسطس 28, 2009 6:24 am

السلام علي الشباب ووداد
بالنسبة الى موضوعك الله يحفظك ويقوي ايمانك اكتر ودي بت البلدالاصيلة ربنا حيعوضك
اكيد لانك تركتي شي خوفا منه لو مافي الدنيا في الاخرة
ولاكن عندي ملاحظة اوراي ما عارف في زول بوافقني
انو اي جبار او عاتي في الارض لم يعتي يتجبر بقوته ونفوذه
ولاكن الناس هي البتديهو الاحسس انه الكبر منهم الاحسن
وبعدها بشوف نفسه اكبر
ببساطة لو ما الناس اصاغرت وتدنت لاصحاب النفوذ ما كان عرفوا انو عندهم نفوذ
انتي اختي وداد اتصرفتي جميل جدا ولاكن ناقص بسيط
كف وقدام الناس عشان ما يطاول علي بنت ناي تاني
وما يقدر يقول حاجة
لانو هو زي الحرامي اجبن واخوف زول وكل الناس بتخاف منه
الرجوع الى أعلى الصفحة اذهب الى الأسفل
ابوخالد
المـــدير العــــــام
المـــدير  العــــــام



ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1267
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: استغلال النفوذ للنيل من الفتيات ؟ ارجو الكل الطرق علي القضية الخطيرة   الجمعة سبتمبر 11, 2009 8:15 pm

الاخت الفاضلة وداد وبس اولاً الف ومليووووووووون مرحب بكي بيننا في منتدانا الذي إزداد إشراقاً بإنضمامك المبارك إلينا وأشرقة انواره سعدنا بإنضمامك

اما عن الحالة التي آلة إليها حال بعض الرجال الذين ماتت ضمائرهم نسأل الله السلام
وأحي فيكي هذه الروح الاصيلة روح بت البلد التي بها نفتخر . وحمى الله كل حرة أبية
من هذه الزئاب البشرية
لقد هزتني هذه القصة المحزنه . أعانك الله أختي الفاضلة
ولكي التحية والتقدير ومزيداً من هذه المشاركات الهادفة ما عدمناكي
تحيتي
الرجوع الى أعلى الصفحة اذهب الى الأسفل
http://wdalbld.3arabiyate.net
لمياء

منور المنتدى


منور المنتدى



انثى
الجنسية : سودانية
المهنة : استاذة جامعية
المزاج : اجتماعية
عدد الرسائل : 8
العضوية : 86
علم الدولة :
تاريخ التسجيل : 12/08/2009


مُساهمةموضوع: رد: استغلال النفوذ للنيل من الفتيات ؟ ارجو الكل الطرق علي القضية الخطيرة   السبت سبتمبر 12, 2009 5:38 pm

[size=18]الأخت العزيزة وداد اولا مرحبا بك بيننا ثانيا تاثرت كثيرا بقصتك وما صدمني أن بعض السودانيين قد وصلو لهذه الدرجة من الانحطاط ونحن بلد الاخلاق والنخوة واوصيك اختي اولا بالدعاء قبل كل شئ ان يعينك الله وثانبا بتجنب الاماكن والاشخاص الغير موثوق بهم وتاكدي ان من ترك شيئا لله ابدله الله خيرا منه ....وربنا يحفظك من كل شر[/size]
الرجوع الى أعلى الصفحة اذهب الى الأسفل
تشكر

عضوء مشارك


عضوء مشارك



انثى
الجنسية : سودانية
المهنة : موظفة
المزاج : عال العال
عدد الرسائل : 14
العضوية : 220
علم الدولة :
تاريخ التسجيل : 18/05/2011


مُساهمةموضوع: رد: استغلال النفوذ للنيل من الفتيات ؟ ارجو الكل الطرق علي القضية الخطيرة   الأحد مايو 22, 2011 11:36 am

اختي وداد ربنا يحفظك لاذم يعرف انو ماكل الفي السوق لبيع وتاكدي انو ربنا معاكي وحاولي استخيري في كل امورك
الرجوع الى أعلى الصفحة اذهب الى الأسفل
 
استغلال النفوذ للنيل من الفتيات ؟ ارجو الكل الطرق علي القضية الخطيرة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنتديــات ودالبـــلد  :: المـــــــنتديات العـــــــــــــامه :: المــنبـــــــرالعــــــام-
انتقل الى: