مــنتديــات ودالبـــلد
زئـرنا الكـريم مــــرحبا بــــك على صفحـــــات منــــــــــتديات ود البــــلد السودانيـــة أحـــر تحية وأجمل ترحيـــب إدارة المـوقـــــع
ابوخالد

مــنتديــات ودالبـــلد

أهـــلا وسهـــلا بـــك يا زائر بمـــنتديات ود البـــلد


 
الرئيسيةالبوابة*مكتبة الصوربحـثالتسجيلدخول

شاطر | 
 

 الموت في الجنوب

اذهب الى الأسفل 
كاتب الموضوعرسالة
سوآح
قلم أساسي
قلم أساسي



ذكر
الجنسية : سوداني
المهنة : سائق
المزاج : عادي
عدد الرسائل : 107
العضوية : 89
تاريخ التسجيل : 19/08/2009


مُساهمةموضوع: الموت في الجنوب   الجمعة أغسطس 21, 2009 7:38 am

[]
بسم الله الرحمن الرحيم

السلام عليكم ورحمة الله وبركاته
ومن ثم تحياتي العطرة
في مشاركتي الاولة قصة ارجو ان تنال اعجابكم
ارجو ايضا ان يكتب كل واحد رد الفعل الاول بعد القراءة بصراحة شديدة
القصة بطلها العبد لله وهي
اسكن قرية شمال مدينة بحري وفي يوم نويت الذهاب الي بحري ومعي احد اصدقائي
واثنا ما انا استعد للخروج طبعا الوالدة حنينة الله يعافيها سالتني الى اين انا ذاهب
واخبرتها الى بحري معي خالد صديقي وحاولت ان تمنعني لان الايام ديك كانت الخدمة
الالزامية والكشة في كل الطرق والاسواق ولاكني قلت لها اني الان رجل واعرف كيف
اتصرف وفضلت تترجاني حتى فتحت باب الحوش وخرجت وهي تترجاني ولاكني عنيد
ومابسمع الكلام ورحت الشارع حيث ينتظرني خالد دقائق جاء احد جيراننا في سيارة
وسالته ان كان ذاهب الى بحري فوقف وركبنا وقلت له اذا جاء الحلفايا ان يمشي بداخل
الاحيا لان هناك نقطة تفتيش للالزامية وفعلا مرينا منها ونحن نسخر من غبا العساكر
ما يقدروا امسكونا وما كنا نعرف البحصل لينا بعد شوية وفي شمبات
يظهر العساكر في وسط الطريق ومن بعيد اشاروا للسائق ان يوقف وقبل ما السيارة
تقيف قفز بعض الشباب ولاكن انا وخالد جعلين وما بنجي قدام الناس جاء العسكري
وقال بطاقاتكم وبي جعليتنا ديك بقينا نتعتع ونتمتم نسيتها في البيت .
ونزلونا وركبونا في دفار مليان مافي محل نجلس المهم بعد ساعة تغريبا اتحركنا
وعندما وصلنا المعسكر دي براها قصة . صلعة وطابور ومواعيد فطور وطابور قلق
طول الليل لاكين ثلاثة شهور مرت الحمد لله وضربنا السلاح وكل الناس كانت تنتظر اليوم
ده عشان ايدونا اجازة ونشوف اهلنا ونتطمئن ونطمئن اماتنا .
لاكن عسا ان تحبوا شيا وهو شرا لكم لبسنا الكاكي وقفنا في الطابور جاءت البصات
وكل الناس قالوا ده التخريج بكون في استاد .
وما وقفنا الا في المطار ومن باب البص الى باب الطائرة طائرة بدون كراسي
وصلنا جوبا عربات الجيش في كل مكان ركبناها ووصلنا الحامية وما ادراك ما الحامية
شهر ونصف ومافي داعي للذكر ويوم ضربت الصفارة يعني الناس كلها تجي الطابور
وظهر قائد الحامية ده هو القائد ايواا اصلو نحن اول مرة نشوفه ابقا في كارسة ولا امكن
ح يرجعونا الخرطوم امكن حافز علي الصبر الصبرناهو ولا اليوم في برنامج ترفيهي
والناس ترفه شوية من ضقط العمل والرتابة .
ياخي انا ما انتظر شوية ح اعرف الحاصل وليه واجع راسي لاكن القائد حكى تاريخ السودان
وفي الدين ماقصر والجهاد والشجاعة وكله ده عارفه شحن بس لاكن عندما بداء في الجنة
ياسلام والحور العين كم الواحد ح يحصل منهن في اللحظة . ديك اتمنيت لو اقابل جون قرن
وحسيت اني اقدر احرر كل الجنوب لوحدي المهم في النهاية القائد كبر وهلل كبرنا وراهو
هللنا ما همانا الجوع وتعبنا قال جاهزين قولنا جاهزين واختارنا نرمي قدام ورمينا.
وبعد عشرة يوم العدو على بعد سبعة كيلو ونحن قريب من احد الجبال عاصفة ترابية
اقتربت منا والتعليمات كلكم علي الارض وقريبين من بعض ووصلت العاصفة واصبعك ما
بتشوفه التنفس في مشكلة انا اضايقت شديد وقلت لخالد نمشي الجبل نحتمي من التراب
رفص الفكرة لاكن هو صديقي من الطفولة وبعرف اقنعه ومشينا الجبل وذي ماتوقعت
حصلنا كهف ودخلنا قلت لخالد شوف هنا لاتراب ولا حاجة ومافي سواني ونمنا من التعب
قمنا فجر يعني بداءت الارض تكشف .
هنا الامتحان الصعب اسد نائم في باب الكهف خفنا خوف شديد نرجف منه . وقت الشدة لا ملجا
الا اليه اية الكرسي ربع ساعة عشان نقراءها بصورة صحيحة سبحان الله هدينا شوية وفكرنا
كيف الخروج ومافي طريقة غير نقفز من فوق الاسد وقفز خالد وجاء دوري وتشهت واتوكلت
واثنا ما انا قافز فوق الاسد هز الاسد زيله وجاء تحت رجلي وانا نخلعت خلعة لم احس مسلها
من قبل ورميت اي شي احمله وجريت يمين وخالد شمال ولاكن الاسد بطارد اقرب فريسة وكنت
انا الاقرب جاء ورائي بسرعة هائلة وطبعا هو الاسرع .
لاكن لكل اجل كتاب لقيت شجرة قفزت على احد فروعها في نفس اللحظة الكان الاسد قافز ليلتهمني
وكان الهواء شديد بس بدون غبار وكانت الشجرة طائعة وتميل بي يمين وشمال والاسد في المنتصف
ينتظرني اذا حركني الهواء وجيت قصاده كان يقفز علي وهو يزئر كان الموت ارحم من اللحظات ديك
ولن انساها طول عمري تخيلوا معاي كان الفرع الانا فيه ذي المرجيحة يذهب الى العالي واذا جاء راجع
تحس انه حيوصل الارض ويمشي اعلا الجهة الثانية وبدل الارض في الرجيحة كان الاسد وانا في الشجرة
كل ما اجي عنده قفز علي مرة يخدشني ومرة الله يسلة وانا في الحلة دي وايدي تعبت خلاص بداءت تنزلق
من الفرع بداءت قريب للاسد وهو يقفز يدي لسة بتنزلق نط الاسد نطة قوية وقبضني اكلني
الرجوع الى أعلى الصفحة اذهب الى الأسفل
ريم الفلا
عضوء فعــال
عضوء فعــال



انثى
الجنسية : سودانية
المهنة : طالبة
المزاج : روقه ماحصلت
عدد الرسائل : 29
العضوية : 120
تاريخ التسجيل : 21/05/2010


مُساهمةموضوع: رد: الموت في الجنوب   الإثنين مايو 31, 2010 11:49 am

أريت كان أكلك صحي صحي


لكن بيني بينك كدا عرفتك ماعندك موضوع


أول حاجه أنتو ماشين تحاربوا كيف يعني مامعاكم سلاح



ولو معاكم سلاح حاتجروا من الأسد


واااااااااا مغستي


وده أسد وين ده البنطوا فوقوا


كنتوا حاتقعدوا جوه الكهف هو لو في كهف إن شاء الله تفطسوا ماحاتطلعوا


عالعموم تنفع فلم كرتون
الرجوع الى أعلى الصفحة اذهب الى الأسفل
سوآح
قلم أساسي
قلم أساسي



ذكر
الجنسية : سوداني
المهنة : سائق
المزاج : عادي
عدد الرسائل : 107
العضوية : 89
تاريخ التسجيل : 19/08/2009


مُساهمةموضوع: رد: الموت في الجنوب   الخميس يونيو 03, 2010 10:18 am

اولا شكرا علي المرور
النكتة في قبصني اكلني ما في القصة نفسها
هي بعد النهاية واضحة بس ردت الفع الاول شنو
وشكرا علي المرو
ر
الرجوع الى أعلى الصفحة اذهب الى الأسفل
ريم الفلا
عضوء فعــال
عضوء فعــال



انثى
الجنسية : سودانية
المهنة : طالبة
المزاج : روقه ماحصلت
عدد الرسائل : 29
العضوية : 120
تاريخ التسجيل : 21/05/2010


مُساهمةموضوع: رد: الموت في الجنوب   الخميس يونيو 03, 2010 11:53 am

ماعرفت كضاب بس

تاني شنو
الرجوع الى أعلى الصفحة اذهب الى الأسفل
سوآح
قلم أساسي
قلم أساسي



ذكر
الجنسية : سوداني
المهنة : سائق
المزاج : عادي
عدد الرسائل : 107
العضوية : 89
تاريخ التسجيل : 19/08/2009


مُساهمةموضوع: رد: الموت في الجنوب   السبت يونيو 05, 2010 1:07 am

كل واحد بنظر للموضوع بالجنب البريحه
وانت حرة في انطباعاتك اكيد .
مافي داعي اجيب مبررات بس اعرفي انك وصفتيني
بصفة لا يوصف بها مؤمن
وشكلك متعصبة للدين شوية. بس ما شاد الدين حد الا قلبه
والله يسامحك
وشكرا علي المرور
الرجوع الى أعلى الصفحة اذهب الى الأسفل
ريم الفلا
عضوء فعــال
عضوء فعــال



انثى
الجنسية : سودانية
المهنة : طالبة
المزاج : روقه ماحصلت
عدد الرسائل : 29
العضوية : 120
تاريخ التسجيل : 21/05/2010


مُساهمةموضوع: رد: الموت في الجنوب   السبت يونيو 05, 2010 3:03 am

ابدا ياسواح

انا مارديت الا من باب الفكاهه فقط

لا اكتر ولا اقل
الرجوع الى أعلى الصفحة اذهب الى الأسفل
ريم الفلا
عضوء فعــال
عضوء فعــال



انثى
الجنسية : سودانية
المهنة : طالبة
المزاج : روقه ماحصلت
عدد الرسائل : 29
العضوية : 120
تاريخ التسجيل : 21/05/2010


مُساهمةموضوع: رد: الموت في الجنوب   السبت يونيو 05, 2010 3:05 am

لكن انت جاي في بالك حااقول عنك شنو

اوعه بس يكون قايلي صدقتك

والله اكان عويره
الرجوع الى أعلى الصفحة اذهب الى الأسفل
سوآح
قلم أساسي
قلم أساسي



ذكر
الجنسية : سوداني
المهنة : سائق
المزاج : عادي
عدد الرسائل : 107
العضوية : 89
تاريخ التسجيل : 19/08/2009


مُساهمةموضوع: رد: الموت في الجنوب   السبت يونيو 05, 2010 9:55 am

من باب المزحة مقبولة لاكن التكذيب الكذاب ما بقبله
وبعدين اصلا ده ما خبر عشان اقبل الصدق او الكذب
لان هذه الصفات للخبر فقط
اما القصة فهي حقيقة او خيال
ومقبولة منك المزحة
وتشكراتي
الرجوع الى أعلى الصفحة اذهب الى الأسفل
 
الموت في الجنوب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنتديــات ودالبـــلد  :: أدبيــــــــــــــــات :: منتدي القصص والروايات-
انتقل الى: