مــنتديــات ودالبـــلد
زئـرنا الكـريم مــــرحبا بــــك على صفحـــــات منــــــــــتديات ود البــــلد السودانيـــة أحـــر تحية وأجمل ترحيـــب إدارة المـوقـــــع
ابوخالد

مــنتديــات ودالبـــلد

أهـــلا وسهـــلا بـــك يا زائر بمـــنتديات ود البـــلد


 
الرئيسيةالبوابة*مكتبة الصوربحـثالتسجيلدخول

شاطر | 
 

 الليلة تنقنقي يا السرة تنقنقي

اذهب الى الأسفل 
كاتب الموضوعرسالة
حسن سادة

عضوء مشارك


عضوء مشارك



ذكر
الجنسية : سوداني
المهنة : مترجم
المزاج : عال
عدد الرسائل : 10
العضوية : 126
علم الدولة :
تاريخ التسجيل : 14/06/2010


مُساهمةموضوع: الليلة تنقنقي يا السرة تنقنقي   الأحد يونيو 20, 2010 3:57 am

رقدت السرة بت التوم في مركز هيلث كير الجديد في الصحافة، ذلك المركز الفندقي الذي تم تجهيزه بأحدث المعدات المتطورة التي توصل إليها مجال الطب والرعاية الصحية في عالم اليوم....

إثر آلام مبرحة في فم المعدة ظلت تلازمها طويلاً وقد أجريت لها كافة الفحوصات المجهرية والمختبرية وتبين أنها تعاني من قرحة في المعدة وقد دخلت هذا المركز الطبي الراقي لتتلقى العلاج رغم التكلفة الباهظة التي تكبدها زوجها الماحي.

دخلت صفية جارتها في مواعيد الزيارة لتتفقد أحوالها بمعية جارتها الأخرى ثريا الفكي
وأول ما إقتربن منها حتى وضعت كل واحدة منهن أغراضهن فوق الطاولة المجاورة
وأخذن يتفقدن أحوالها وهن يرددن:
" سلامتك يا السرة وكل المركز كرامتك،،
كفارة يا بت أمي،، إن شاء عدوينك
أها كيف حالتك الليلة؟؟؟
إن شاء الله شديدة وبي عافية
والدكاترة إن شاء الله طمنوكي عن حالتك؟
إن شاء الله تكون مستقرة وفي تحسن؟
فقالت لهن السرة:
" الحمد والشكر على الله
ها يا أخواتي ما تقعدن،،،
عليكي الله يا ثريا
قربي الكرسي ده وشيلن من الحلاوة اللي في العلبة دي
آآآي ووب علي إستغفرتك يا مالك روحي
والله الألم لي حسع تاعبني الله يدي القوة والعافية
السيستارة المجنونة دي أقول ليها مية مرة
الدواء البتديني ليهو ده بيطمم بطني ما بتسمع الكلام،، كل مرة تقول لي كلمي الدكتورة سوزي"

فقالت لها صفية وهي تطلع على التقرير المثبت على حافة السرير:
" كلامها صاح مية المية،،

ما بتنلام المسكينة،،
هي المفروض ما تغير الدواء اللي كتبته الدكتورة،،
ثم أعقبت تسأل السرة قائلة:
" إنتي تعالي دكتورة سوزي دي سودانية"
فقالت السرة وهي تبتلع الدواء:
" سودانية مية المية وفي السودان كمان محسية
لكين تقولي شنو في أسماء آخر الزمن ده
وأزيدك من الشعر بيت يا صفية
في دكتورة تانية شايقية إسمها جوان وممرضة جعلية حسع مرقت من هنا أنقري إسمها منو يا صفية؟
فقالت صفية ساخرة:
" أنا عارفة!!
حيكون إسمها منو يعني!!
مارجريت السماني؟
فقالت السرة:
أخير مارجريت على الأقل إسم موسيقي وليه رنين ،،، تخيلي إسمها سابنا أتقول أمها هندية
ثم أعقبت تقول وهي تلقي بنظرة إلى الأغراض التي جلبنها وقالت لهن:
" ها يا نساوين مكلفات نفسكن مالكن؟
جايبات لي أكل وأنا مرضي من الأكل؟
فقالت صفية وهي تناولها البستلة:
" لا لا أكل شنو يا بت الحلال
دي فضلة خيرك شوربة خفيفة عاملاها بالخضار المشكل تشربيهو بالهناء والعافية وتبقي ذي الحصان"
ثم دنت ثريا وهي تناولها وعائها البلاستيكي:
" أها أيه رأيك الحاجة اللي أنا جايباها جات في الجرح حسع إنتي مش كنتي بتشتكي من السيستارة وقلتي عايزة يغيروا ليكي الدواء
أها أنا جيهتك تب،، مش كدة؟

شوفي ،،عملت ليكي دواء عديل كدة"
فقاطعتها صفية ساخرة:
" ووب علي ألحقوني
ثريا دي أظنها بقت صيدلانية في آخر الزمن"
ثم واصلت ثريا في وصف دوائها وهي تقول:
" ها يا صفية يا بت أمي!!
يعني هي شغلانة الدواء ده كلو ما عبارة عن أعشاب مصنعة ،،،
يلللا أنا خلطت ليكي يا السرة حبيبتي تنوم مع حرجل مع ينسون وهيل،،، أشربي منها نص كباية إنتي تمرقي من المركز ده بكرة القريبة دي"
فقالت السرة وهي تلفت يمنة ويسرى:
ووب علي دسوا البتاعة دي
حسع الدكتورة سوزي ولا السيستارة لو شافتني
تطردني من المستشفى ثم أقدمت الدكتورة سوزي - التي تشتهر بين المرضى بصرامتها وكلماتها الإنجليزية التي تحتاج إلى مترجم فهي قد درست الطب في جامعة هارفاد حيث هاجر والدها قبل ردح من الزمان – وما أن دخلت عنبر المرضى حتى قالت متأففة:
“Oh my God Aim getting sick of these patients”


" يا إلهي لقد سئمت من هولاء المرضى"
فقالت السرة:
" أها شوفوا العجب العجاب
الخواجاية جات وعوجت لسانها يا كاف البلاء
عليكي الله يا صفية دسي البستلات دي"
ثم جاء ورائها الدكتور ياسر وكشف على السرة وترك حرم المريضة التي كانت ترقد جوار السرة
ثم خرج فجأة فقالت صفية متهكمة:
" ووب علي شوفن الدكتور الكشف السرة وخلى حرم ،،والله ظلم علينا ظلم يا ناس القوز علينا ظلم كشف الثلاثاء ده والله عدم"
فقالت السرة وقد ماتت من الضحك:
" الليلة تنقنقي يا صفية تنقنقي"

نواصل في نفس المركز الطبي لاحقا
مع الإعتذار لشاعر رائعة الكابلي (مروي)
الرجوع الى أعلى الصفحة اذهب الى الأسفل
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1292
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: الليلة تنقنقي يا السرة تنقنقي   الإثنين يونيو 21, 2010 12:28 am

يديك العافيه ياحسن سادة

وتسلم الايادي

وأمتعنا بحكاوي السرة بت التوم وصاحباتها

أكيد في النهايه الدكتوره الخواجيه بتتعلم النقنقه وتنافسهن

هههههههه تسلم إيدك








الرجوع الى أعلى الصفحة اذهب الى الأسفل
http://wdalbld.3arabiyate.net
حسن سادة

عضوء مشارك


عضوء مشارك



ذكر
الجنسية : سوداني
المهنة : مترجم
المزاج : عال
عدد الرسائل : 10
العضوية : 126
علم الدولة :
تاريخ التسجيل : 14/06/2010


مُساهمةموضوع: رد: الليلة تنقنقي يا السرة تنقنقي   الإثنين يونيو 21, 2010 12:36 am

العزيز الغالي أبو خالد

مرورك هنا كان كمرور الأطباء
يشفي الأسقام وهو البلسم الشافي
شكراً للإطلالة الوردية الزاهية
يا سيد الروعة والألق الباهر
الرجوع الى أعلى الصفحة اذهب الى الأسفل
حسن سادة

عضوء مشارك


عضوء مشارك



ذكر
الجنسية : سوداني
المهنة : مترجم
المزاج : عال
عدد الرسائل : 10
العضوية : 126
علم الدولة :
تاريخ التسجيل : 14/06/2010


مُساهمةموضوع: رد: الليلة تنقنقي يا السرة تنقنقي   الإثنين يونيو 21, 2010 12:39 am

ضجيج قد أخذ يعلو بين المرضى والفراشات في العنبر الذي ترقد فيه السرة فأخذت بوادر الفضول
وحب الإستطلاع تدب في أوصال السرة خاصة وأنها سمعتهن يرددن هتافات من هذا القبيل:
" فوق فوق سودانا فوق
فوق فوق أبو بكر كاكي فوق
آآآآي يا هو ده الشغل
والجوة وجداني بريدو سوداني"
فزغردت السرة زغرودة أغرودة دوت أرجاء
العنبر وإمتد صداها إلى أروقة وردهات المركز
وأخذت تسألهن:
" هوووي يا حريم قولن لي البشرى
الهلال سيد البلد غلب منو؟
وأبو بكر كاكي ده جاب الهدف من كورة ثابتة
ولا راوغ القواني ولا القصة شنو؟
فأخذت إحدى النسوة تطلق ضحكة عالية وهي تعلق ساخرة:
ها يا ولية ربنا يقومك بالسلامة من فراش المرض
إنتي زولة الله ساااي
ما ناقشة لا كورة ولا رياضة
أبو بكر ده يا بت أمي أحرز الميداليات الذهبية
في بطولة العالم في ألقاب القوى"
فقالت السرة وقد شهرت بالإحراج وقالت:
" صدقي يا بنت الحلال أنا إفتكرته من اللعيبة السجلوا
جداد في الهلال أتاري الرجل طلع مصارع
والله ملاكم ما عارفة حكمتك يا رب"
فقالت إمرأة أخرى وقد أطلقت العنان لهستيريا الضحك:
" لا وإنتي الصادقة الراجل عداء يعني جراي"
فقالت السرة متهكمة:
أجي يا إخوتي!!!
ووب علي !!
يا حليل الرجال الماتوا في كرري!!!
عليكم الله في راجل بيجري؟؟؟
يا إخواتي البنات الجري ده ما حقي
حقي المشنقة والمدفعة أب ثكلي
وحالف اليمين أعز بنات أهلي"
وفجأة دخلت الدكتورة سوزي ولعلها سمعت الهرج والمرج الذي علا العنبر
فقالت صائحة:
What the hell is this noise and mess up
اللعنة!!! ما هذا الضجيج والفوضى الذي يدور هنا؟
فجرت كل واحدة إلى سريرها ترتجف من الخوف والذعر:
فأخذت تسأل الممرضات والفراشات مستفسرة:
There is a stinking smell over here
" أنا شامة لي ريحة كريهة في العنبر ده"
فأمرت الممرضات بتفتيش أمتعة وأغراض كل المرضى
وفي غضون دقائق قليلة وجدوا أن آمنة الدنقلاوية التي ترقد بجوار
السرة قد جلبت لها أختها إبان الزيارة فسيخاً فوبختها الدكتورة سوزي وهي تقول
Incredible!!" I just can’t believe it”
شيء لا يصدق،، أكاد لا أصدق"
ثم أعقبت تقول وهي تخاطب المريضة التي دخلت المستشفى
لعلاج إرتفاع الضغط :
" يا خالة آمنة المريضات ديل كلهن لو طفحن الفسيخ
ما عندي مشكلة،،
لكين إنتي بالذات ضغطك مرتفع وأنا مانعك من الملح والحوادق
والأكلات المملحة تقومي تجيبي لي فسيخ يا خالة آمنة؟
لكين الغلط ما منك إنتي
الغلط من الممرضات وناس الأمن الواقفين برة في باب المركز
المفروض يفتشوا كل أغراض الزوار"
ثم خرجت وهي تزمجر غاضبة
وما إن خرجت الدكتورة سوزي حتى إلتفتت السرة
لجارتها في العنبر آمنة وقالت لها معاتبة:
" شكيتك على الله يا آمنة بنت أمي
شكيتك على الله شكية لا بتتعطل ولا بتتبطل
يخشي عليكي ما عارفك خاينة وظالمة كدة
أنا لمان جابوا في الزيارة مش وجبنة بلدي
ما نسيتك قسمتها معاكي النص بالنص
ولمان الروضة جابت لي معاها عسل نيالا
قلت أختي وحبيبتي
تقومي تدسي الفسيخ مني
وإنتي عارفاني بمون موت في الفسيخ
بالشطة والبصل
أحسن ينصر دينها بتي دكتورة سوزي
ست اللهيج المعوج ده وما قصرت تب
لمان صادرت منك الفسيخ
فقالت آمنة وهي ميتة من الضحك:
" والله وما طالبة مني حليفة
كنت ناوية أقسمي ليكي
لكين لقيتك بتتكلمي عن الرياضة
مع الممرضات والفراشات
قلت خليها تخلص النضم
وبعدين أقسم ليها
لكين ملحوقة يا بت أمي
عزيزة وغالية وماك هينة ولينة
بكرة ست النساء جايبة كيلو فسيخ
بقسم ليكي منو
نواصل لاحقاًَ
الرجوع الى أعلى الصفحة اذهب الى الأسفل
ابوخالد
المـــدير العــــــام
المـــدير  العــــــام
avatar


ذكر
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1292
العضوية : 1
علم الدولة :
تاريخ التسجيل : 22/10/2008


مُساهمةموضوع: رد: الليلة تنقنقي يا السرة تنقنقي   الإثنين يونيو 21, 2010 11:52 am

]b]ههههههههههه

المبدع ود سادة ماتشوف شر يديك العافيه

السرة الهلالابيه دي عفيت منها ههههه حرررررم تستاهل الدنقلاويه تقسم ليها الفسيخ

مادام هي من زمن ناس كرري والجري داا مو حقي ههههه والسستره الله يعينها .

قايتو مع الملوحه والتركين والفسيخ .

أبدعت والله هنيئا لنا بك وبقلمك أخي حسن [/b]








الرجوع الى أعلى الصفحة اذهب الى الأسفل
http://wdalbld.3arabiyate.net
حسن سادة

عضوء مشارك


عضوء مشارك



ذكر
الجنسية : سوداني
المهنة : مترجم
المزاج : عال
عدد الرسائل : 10
العضوية : 126
علم الدولة :
تاريخ التسجيل : 14/06/2010


مُساهمةموضوع: رد: الليلة تنقنقي يا السرة تنقنقي   الثلاثاء يونيو 22, 2010 2:18 am

ابوخالد كتب:
]b]ههههههههههه

المبدع ود سادة ماتشوف شر يديك العافيه

السرة الهلالابيه دي عفيت منها ههههه حرررررم تستاهل الدنقلاويه تقسم ليها الفسيخ

مادام هي من زمن ناس كرري والجري داا مو حقي ههههه والسستره الله يعينها .

قايتو مع الملوحه والتركين والفسيخ .
أبدعت والله هنيئا لنا بك وبقلمك أخي حسن [/b]

عزيزي الشفيف الوريف أبو خالد
سلاماُ عاطراً أعدو به الريح وأختال الهوينى
شكراً لهطول رذاذك هنا في موسم الشوق الحلو
والبوست ده شكلو حنكون فوقو إنت وأنا
ذي ما في رائعة الراحل المقيم
طيب الله ثراه هاشم مرغني
[size=12]انت وانا من حقنا نفرح نطير زى الفراش
لمكان بعيد ما زارو زول قبلنا
انت وانا من حقنا نلملم عذاب الزكريات كان الزكرى تانى تلمنا
عارفنو ظلم الهوى كم غبن قلوبنا وحزنا
يومنا الفرحنا مع الخيال وقلنا الفرح من حقنا
بشرنا بى فال الفراق زى ماحرم عشاق كتيير من قبلنا
انت وانا نبقى عشاق للابد نشيل الغرام فى دمنا لاانت تنسيه ولا انا
انت وانا عاشقين رهاف ساكنين ضفاف شط الامانى وحبنا
انت وانا من حقنانسكن فى الكواكب وفى قصر لغيرنا ابدا مااتبنى
نسامر النجوم يزورنا القمر الحسى لو جافة الظروف ما بغبنا
ورجعنا تانى تانى تانى لقينا الصبر الاصلو مزروع عندنا
انت ياروحى وامانى الزول الجميل الاصلو مخلوق مننا
وشنو الفضل مابقيت انا وباقى الحكايه المحزنه
انسان بريد عينيك كتييير عشق حكايتك وادمنا
لم رجع خطوي ولقاك بقى يكره الغربه المريره ويلعنا
ياربنا ياربنا ياربنا العشنا من ظلم الهوى مايعيشو زولا بعدنا
انت وانا نبقى عشاق للابد نشيل الغرام فى دمنا
انت وانا
الرجوع الى أعلى الصفحة اذهب الى الأسفل
سوآح
قلم أساسي
قلم أساسي



ذكر
الجنسية : سوداني
المهنة : سائق
المزاج : عادي
عدد الرسائل : 107
العضوية : 89
تاريخ التسجيل : 19/08/2009


مُساهمةموضوع: رد: الليلة تنقنقي يا السرة تنقنقي   الثلاثاء يونيو 22, 2010 7:15 am

ياابو علي السلام عليكم
صراحة انت وانا رايعة وتدل علي زوقك الزيها
كتر لينا من زيها
يا مبدع
تقبل مروري
الرجوع الى أعلى الصفحة اذهب الى الأسفل
 
الليلة تنقنقي يا السرة تنقنقي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنتديــات ودالبـــلد  :: المـــــــنتديات العـــــــــــــامه :: ركــن الـــشــــمـارا ت-
انتقل الى: