مــنتديــات ودالبـــلد
زئـرنا الكـريم مــــرحبا بــــك على صفحـــــات منــــــــــتديات ود البــــلد السودانيـــة أحـــر تحية وأجمل ترحيـــب إدارة المـوقـــــع
ابوخالد

مــنتديــات ودالبـــلد

أهـــلا وسهـــلا بـــك يا زائر بمـــنتديات ود البـــلد


 
الرئيسيةالبوابة*مكتبة الصوربحـثالتسجيلدخول

شاطر | 
 

 أرقــعو !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقة النيل
مشرفة قسم الصحة
مشرفة قسم الصحة



انثى
الجنسية : سودانية
المهنة : طبيبة ان شاء الله
المزاج : رايقة
عدد الرسائل : 35
العضوية : 64
علم الدولة :
تاريخ التسجيل : 14/06/2009


مُساهمةموضوع: أرقــعو !!   الأربعاء أكتوبر 06, 2010 1:44 pm


الشيخ \ محمد سيد حاج
رحمه الله رحمة واسعه

محاضره ليو كانت بعنوان ( الرزق )

من ضمن ماتحدث عنه التالي :

قال

1 - الرشوة

ماتقدر تمشي موضوع الا " تعصر "

يقول ليك اعصر ليهو !!

مشي امورك

وقال

اغرب مصطلح سمعتو في الرشوه

"قال ارقعو قال "

ضحك ساخر ومستنكرا وقال : ارقعو شنو .. الرقعه في المنطقة الصناعية

كان الناس برقعو للموظفين ناس المنطقة يشتغلو شنو !!

دي رشـــــوه حرام والله حرام و لا تجوووز .


2 – الفضائيات :

قال : في تجار مسلمين

الفضائيات دي اكل رزقهم !!

تجار مسلمين دايرين ربح !! على حساب و شهوات وانحراف المجتمعات وانحلالها ياكلون ويمرحون !!!

ناس تلقاهم يعملو للموبايل نغمات ويعملو الاغاني ونزل لي الفنانه المعينة ونزل لي الصور ويدي قروش

وياكلها صغارو

مابتخاف الله يا زول!!

تدخل في بطنك كلام زي دا !!

وقال :

احرص على الا يدخل بطنك الا طيب

فان اول ماينتن من ابن ادم بطنه !! .



لحدي هنا و انتهى كلام محمد سيد حاج .


بفتكر زمان لما كنت صغيره وكنا جايين السودان زياره وماشين من الخرطوم للجزيره الزول السايق العربيه وقفها عند نقطه تفتيش وجاهو العسكري " يجري " والزول السايق طوالي اداهو قروش والعسكري انبسط وفات !!

انا استغربتا وسالتو .. انت يا عمو القروش دي حقتو !!

( انا سالتو لانو اول مره اشوف عسكري بشيل ليهو قروش )

ضحك وقال لي : لا لا ما حقتو لكين عشان يمشينا

كيف يمشينا ياعمو ؟!

عشان ما يوقفنا كتير ونصل سرعه !!
...


ليه انت تدي زول عشان يمشي ليك حاجة في امر مابصح فيهو الكلام دا

وليه انت تقبل بحاجة زي دي

الشي دا ماحرام !!

ولما تجي تقول رشوه يقول ليك لالا ماكده ياخي ماتكبرها

ما انا بديهو بس عشان يمشينا

ومالو كان مشيتو بالدرب العديل

حتى لو كان طويل وصعب

قال الرسول صلى الله عليه وسلم

" لعن الله الراشي والمرتشي والرائش بينهما "

استغفر الله !!

تخيل تعمل كده وانت ملعووون !!!

لاحول ولا قوة الا بالله

الزمن العايشين فيهو فعلا صعب

والقابض على دينه كالقابض على الجمر

الدنيا نهايتها كوم تراب

ويا عالم تموت هسى ولا بكره

اوعى من مال الحرام

اتوكل على الله

وقول يامسهل

وابعد من درب الشيطان

وربنا يبعد عننا كل شر

ويهدي الجميع



ويديكم العافية
الرجوع الى أعلى الصفحة اذهب الى الأسفل
مصطفى ابراهيم
صــاحـــب الموقــــــع
صــاحـــب  الموقــــــع
avatar


ذكر
الجنسية : sudan
المهنة : admin
المزاج : good
عدد الرسائل : 601
العضوية : 5
علم الدولة :
تاريخ التسجيل : 26/10/2008


مُساهمةموضوع: رد: أرقــعو !!   الأربعاء أكتوبر 06, 2010 1:56 pm

دكتورتنا


كم تشوقنا وإنتظرنا فيض مواضيعك السلسه الهادفه الخاليه من التكلف
وها أنتي تروي ظمأنا من جديد ما عدمناك ولا حرمنا من إبداعك وسردك
الرائع الشيق المتفرد
وحمانا الله من الرشوة التي إبتليى بها الكثيرون من الناس تحت مختلف الاسماء

مودتي عاشقة النيل
الرجوع الى أعلى الصفحة اذهب الى الأسفل
طيف الحبيب
قلم أساسي
قلم أساسي
avatar


ذكر
الجنسية : سوداني
المهنة : أعمال حره
المزاج : عادي
عدد الرسائل : 224
العضوية : 17
تاريخ التسجيل : 07/11/2008


مُساهمةموضوع: رد: أرقــعو !!   الأربعاء أكتوبر 06, 2010 3:54 pm

يديك العافيه عاشقة النيل
الرجوع الى أعلى الصفحة اذهب الى الأسفل
سامي عوض

منور المنتدى


منور المنتدى
avatar


ذكر
الجنسية : سوداني
المهنة : محاسب
المزاج : ممتاز
عدد الرسائل : 2
العضوية : 125
علم الدولة :
تاريخ التسجيل : 05/06/2010


مُساهمةموضوع: رد: أرقــعو !!   الجمعة أكتوبر 08, 2010 8:50 am

جزاك الله خيرا
الرجوع الى أعلى الصفحة اذهب الى الأسفل
 
أرقــعو !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنتديــات ودالبـــلد  :: المـــــــنتديات العـــــــــــــامه :: المــنبـــــــرالعــــــام-
انتقل الى: